Deildarstjóri

Leikskólinn Sólborg, sem er fjögurra deilda leikskóli við Vesturhlíð 1, auglýsir eftir deildarstjóra í fullt starf.

Vilt þú koma og vera með okkur í frábæru starfi í leikskólanum Sólborg? Við leggjum áherslu á leikinn í tvítyngdu umhverfi með döff og heyrandi börnum og starfsfólki.

Leikskólinn byggir á sterkum grunni samhents fagfólks og leggjum við áherslu á að öllu starfsfólki líði vel í vinnunni, sem skilar sér til barnanna og foreldra þeirra. Sólborg er sérhæfður leikskóli fyrir döff og heyrnarskert börn.

Starfið er laust frá 1. júní nk. eða eftir samkomulagi.

Helstu verkefni og ábyrgð

• Vinnur að uppeldi og menntun leikskólabarna samkvæmt starfslýsingu deildarstjóra
• Er hluti af stjórnunarteymi leikskólans
• Ber ábyrgð á stjórnun og skipulagningu starfsins á deildinni
• Sér um foreldrasamstarf á deildinni

Menntunar- og hæfniskröfur

• Leikskólakennaramenntun og leyfisbréf kennara.
• Reynsla af uppeldis- og kennslustörfum með ungum börnum æskileg.
• Frumkvæði í starfi, sveigjanleiki í samskiptum og faglegur metnaður.
• Sjálfstæð og skipulögð vinnubrögð ásamt góðri íslensku kunnáttu.
• Hæfni til að vinna í teymi
• Táknmálskunnátta (íslenskt táknmál, ÍTM ) er frábær kostur

Laun eru samkvæmt samningi Sambands íslenskra sveitarfélaga og KÍ v/ Félags leikskólakennara.

Nánari upplýsingar veitir Brynhildur Axelsdóttir í síma 4113480 eða á netfanginu brynhildur.axelsdottir@reykjavik.is